SEHEMU YA 65

SEHEMU YA 65
Joseph Smith, Mdogo, na Sidney Rigdon waliishi katika nyumba ya John Johnson huko Hiram, Ohio, wakati wa Septemba na Oktoba 1831 walipokuwa wakiendelea na kazi ya Maandiko Matakatifu. Hapa Yusufu alipokea ufunuo ufuatao juu ya maombi.

1a Sikieni, na tazama, sauti kama ya mtu aliyeshuka kutoka juu, aliye hodari na mwenye uwezo, ambaye kutokea kwake ni hata miisho ya dunia; ndio, ambaye sauti yake ni kwa wanadamu, Itengenezeni njia ya Bwana, yanyosheni mapito yake.
1b Funguo za ufalme wa Mungu zimekabidhiwa kwa mwanadamu duniani, na kutoka hapo injili itasambaa hadi miisho ya dunia, kama vile jiwe lililochongwa kutoka mlimani bila mikono litakavyoviringishwa hadi litakapoijaza dunia yote;
1c ndio, sauti iliayo, Itengenezeni njia ya Bwana, itayarisheni karamu ya Mwanakondoo, mtayarishieni Bwana-arusi;
1d ombeni kwa Bwana; liitieni jina lake takatifu; zijulisheni watu matendo yake ya ajabu, mwiteni Bwana, ufalme wake upate kuenea juu ya nchi;
1 ili wenyeji wake wapate kuipokea, na kuwa tayari kwa siku zijazo, ambazo Mwana wa Adamu atashuka mbinguni, amevikwa mng’ao wa utukufu wake, ili akutane na ufalme wa Mungu utakaosimamishwa juu ya nchi;
1 kwa hivyo, na ufalme wa Mungu uende, ili ufalme wa mbinguni uje, ili wewe, Ee Mungu, upate kutukuzwa mbinguni, na duniani, ili adui zako watiishwe; kwa kuwa heshima ni yako, na nguvu, na utukufu, hata milele na milele. Amina.